لايفترسك الهـم ياخـو صنيتـان =تراك في كـل الامـور مخدومـي
من لاذ بالدوشان ماهو بخسـران =شيخان وادناهـم يسـد اللزومـي
يما آعتقم بالجاه متهـم ومنـدان =حتى لو آنه بالقصـاص محكومـي
لو ان همك كبـر سلمـى ورمـان =ارقد ولاتطـري عليـك الهمومـي
شاله طويل ذراع مفلـول حجـان =اليا كظم راع الحجـاج الكظومـي
ليا زهمته ينتهض تقـل شيهـان =عمر لعـل ايـام عمـره تدومـي
ازهم عمر وتشوف فيصل و وطبان =على المهـار معقديـن الكمومـي
قد قالها العواي في مـدح سلمـان =الحر حر وبيضـة البـوم بومـي
راحم وباقي مجدهم مثـل ماكـان =ماضيعه منسب بنـات الرخومـي
عمر بدوره زود المجـد عمـران =بنـاه بنـي مناطحـات الغيومـي
كبير قدر وجاه عند اهـل الشـان =اخوان نـوره طيبيـن السلومـي
شيـخٍ تفاخربـه قبايـل غطفـان =يكـف كـل مطيـر لمـا لمومـي
ليا حصل بالعلـم زود ونقصـان =وشد الحـزام وشمـرن الهدومـي
مع شيخة الدوشان مافيه شيخـان =لمطير ليـن ان القيامـه تقومـي
من غير نقصٍ في طويلين الايمان =لكن عن الدوشان تقـف العلومـي
شيخان شمل وبالميادين فرسـان =يهاجمـون ويسنـدون الهجومـي
ياما كلن سيوفهـم كـل دجـران =اللي يراوي عن لقـاه الجزومـي
يوم ان نجد لضمر الخيـل ميـدان =وهـذاك متغنـم وذاك مغنـومـي
صالم وجالم فيه يسنـان وعنـان =ومحشـراتٍ يلقطـن الرقـومـي
كم فارسٍ طشوه لذيـب سرحـان =واللي على ريح الجنايـز تحومـي
صديقهم كنه على عرش سلطـان =واللي يحاربهم يـروح مهزومـي
وتمثنم العارض يبارون الاضعـان =على بنات كروش مثل الرجومـي
وزاحم عن الصمان عطبين الاكوان =نيت مطاليـع القمـر والنجومـي
وتقسموه مقاسم اخـوان لاخـوان =باللي بحده مـن عداهـم ثلومـي
ومن يوم دقوبه وتدهـم ليـا لان =يرعن به عبدات نبـت الوسومـي
وبيوتهم للضيف مدهـل ومزبـان =عن الشتا القارص ولفح السمومي
برباعهم يحمس دوا كل ضرمـان =ليا اقبل الخويان راسـه يعومـي
وسحونهم تقطع بطـان الطويـان= ليا جا من الهسفه يطيح ويقومـي
يومون لضيوف الصفاري بالاردان =ليا جت بهم شيب المحاقيب تومي
واليا عطو يعطون صعبات الاثمان =حرش المقاضب قاذفات السهومي
واللي تروض بالاعنـه والارسـان =ومعكرشين الراس فطس الخشومي
المواضيع المتشابهه 
قصيدة للعلم /عبدالله بن زويبن المعمري في شيوخ مطير 
العرض العادي
